عرب ليونز  

العودة   عرب ليونز > القسم الرياضي > القسم الرياضي العام

القسم الرياضي العام أخبار و نقاشات , مسابقات و توقعات ,

GPIn0eg


الاحماض الامينية و فوائدها و افضل المنتجات ليها و اسطورة الامينو 2222

أخبار و نقاشات , مسابقات و توقعات ,

إضافة رد
NOTICE تنبية: هذا الموضوع قديم. لقد بدء 2258 من ايام مضت, ممكن ان تكون الروابط تالفة

 
LinkBack أدوات الموضوع تقييم الموضوع انواع عرض الموضوع
قديم 07-28-2010, 03:40 AM   #1

Active Members

العضوٌﯦھہ » 53499
 التسِجيلٌ » Mar 2008
مشَارَڪاتْي » 215
آلتَقييمُ » 10
تَلقْيتُ إعجآب » 0
أرسَلتُ إعجآب » 0
افتراضي الاحماض الامينية و فوائدها و افضل المنتجات ليها و اسطورة الامينو 2222

GPIn0eg

ما هو الامينو ؟

تخش الجيم تلاقى كل الناس اللى هناك بما فيهم الكابتن يقولك خدلك حبايتين امينو ب جنيه و نص الواحدة و هتخليك حيوان و معرفش هتديك باور و هتطلعلك جناحات

طب مش تعرف الدنيا ماشية ازاى ولا تاخد على عماك و خلاص؟

الامينو اسيدز يا سيدى هى الكتل المكونة للبروتين
يعنى لما انت تاكل حتة لحمة ولا اى اكل فيه بروتين بيتفكك لشوية احماض امينية صغيرة علشان تتهضم و تمتص فى الدم

و ليها كمان تأثير جامد على جسمك من اول الانسجة الصغيرة
لحد انتاج كيماويات اللى بتخلى مخك يشتغل

ده برده بتأثر على الفيتامينات و المعادن فى الجسم و تخليها تقوم بوظائفها بصورة كويسة و احيانا حتى لو جسمك هضم الفيتامينات و المعادن دول .. ملهمش اى لازمة غير لو كان بعض الاحماض الامينية موجودة

الامينو اسيدز ديه بقى بتنقسم لقسمين
الاحماض الاساسية و الغير اساسية

--------

نتكلم الاول عن الاحماض الاساسية:

الاحماض الاساسية جسمك مبيصنعهاش
و لازم تحصل عليها من البروتين او بعض الخضروات لما تجمعهم مع بعض و هما كمان 9 احماض و هقولك دلوقتى على فوائدهم


1- تريبتوفان:

حمض بيساعد على الاسترخاء و التقليل من الأرق و التوتر و القلق الكثير و ايضا الاكتئاب
و كمان بيساعد الى حد ما فى علاج الصداع النصفى و بيحسن من جهاز المناعة و بيقلل من اخطار امراض القلب و الشرايين

و كمان بيشتغل مع حمض الليسين و يقللوا معدلات الكوليسترول فى الجسم



2- ليسين:

بيضمن انه الكالسيوم يمتص بصورة كويسة و بيساعد على تكوين الكولاجين اللى موجود فى الغضاريف و الانسجة الرابطة
و بيساعد فى انتاج الاجسام المضادة و الهرمونات و الانزيمات و ايضا التقليل من نمو الفيروسات بالتالى الوقاية من بعض الامراض

لو الليسين ده قل هتحس بالتعب و مش عارف تركز و بيعيق نموك و كمان هيجيلك انيميا



3- ميثيونين:

المورد الاساسى للكبريت و اللى بدوره بيساعد انه يخلى شعرك و جلدك و كمان اظافرك سليمة

و كمان بيقلل من معدلات الكوليسترول علشان بيساعد الكبد على انتاج الليسيثين و بيقلل من دهون الكبد و بيحمى الكلية

و بينظم انتاج المعادن مثل الامونيا و بيقلل من التهاب المثانة



4- فينيلالانين:

مخك بيستعمله علشان ينتج مركب كيميائى بينقل الاشارات ما بين الخلايا العصبية و المخ
و كمان بيخليك صاحى و فايق و بيقلل الام الاحساس بالجوع

و بيحسن من ذاكرتك و كمان بيقلل من الاكتئاب



5- ثريونين:

عنصر اساسى فى الكولاجين اللى لسة جايب سيرته و كمان كام بتاع متعلق بعمليات الجسم و العظام

و بيساعد فى منع تراكم الدهون على الكبد
و بيساعد كمان فى عملية الهضم و الامتصاص



6- فالين:

بيحسن من اداء مخك و تساوى عضلاتك ( للناس اللى بدراع و صدر اكبر من النصف التانى ) و كمان بيخليك هادى و مش عصبى علطول



7 و 8 - ليوسين و ايزو ليوسين:

بيوفروا العناصر لبعض العمليات البيوكيميائية المهمة فى جسمك
و اللى منها بتنتجلك الطاقة و بتنبه المخ و تخليك فايق و مصحصح



9- هيستيدين:

مهم فى النمو بصفة عامة و استشفاء الانسجة
و كمان بطريقة غير مباشرة بيساعد فى عملية الهضم



------------

و دلوقتى مع الاحماض الغير اساسية:

مش معنى ان اسمها غير اساسية .. يبقى ملهاش لازمة .. لا طبعا
كل الاحماض الامينية ليها وظائف مختلفة و لازم تواجدها فى الجسم و خاصة لو انت بتلعب رياضة


1- ارجينين:

بيحسن من اداء جهاز المناعة ضد البكتيريا و الفيروسات و ورم الخلايا
و بيسرع من شفاء الجروح و تجديد الكبد و بالتالى افراز هرمون النمو
و يعتبر اساسى لنمو العضلات و اصلاح و استشفاء الانسجة



2- تيروسين:

بينقل النبضات العصبية للمخ و بيحسن من اداء الذاكرة و التغلب على الاكتئاب و برده بيخليك فايق و مصحصح



3- جليسين:

بيحسن من توصيل الاكسجين للعضلات علشان تنتج طاقة
و كمان مهم لجهاز المناعة



4- سيرين:

بيدى اجسام مضادة لجهاز المناعة بالتالى بيحسن من ادائه و كمان مصدر تخزين للجلوكوز



5 و 6- جلوتاميك اسيد و جلوتامين:

يعتبر هو الاكل بتاع المخ لانه بيحسن من الاداء العقلى بصورة كويسة
و بيسرع من شفاء القرح و لو حاسس بالتعب يبقى انسى .. كل ده هيروح
و كمان بيساعد فى انفصام الشخصية ( لو انت مجنون يعنى )
و لو مدمن كحوليات .. او تختخ و طول ما انت قاعد بتاكل سكر زى النمل

ده غير طبعا انه بيحسن من الاستشفاء العضلى و كمان بيقلل من فقدان العضلات



7- اسبراتيك اسيد:

بيساعد فى طرد الامونيا الضارة من الجسم لانها احيانا بتكون سامة و بتضر الجهاز العصبى
و كمان بيقلل من الاكتئاب برده

و بيساعد فى المقاومة ضد الارهاق و بيزود من قدرتك على التحمل



8- تاورين:

بيساعد فى الحفاظ على شوية حاجات متعلقة بالصرع ( يعنى متقلقش مش هتتجنن و تقتل فى الناس و تعمل فيبراشن )

و التاورين و الكبريت مهمين جدا للسيطرة على شوية عمليات بيوكيميائية بتحصل و عمرك بيزيد

و كمان متنساش ( ريد بول يعطيك جوانج ) و باور هورس و كل مشروبات الطاقة, العامل الاساسى فيها بيبقى التاورين



9- سيستين:

بيشتغل كمضاد للاكسدة و بيساعد الجسم فى الوقاية ضد الاشعاع و التلوث و مهم جدا لتكوين الجلد ( يعنى لو بطلجى و بتتعور كتير يبقى خد منه علطول )

و كمان بيقلل من عملية التقدم فى السن ( مش هتعجز بسرعة يعنى )



10- هيستيدين:

بيساعد فى علاج التهاب المفاصل و الحساسية و كمان الانيميا
و لو قل فى جسمك هتتطرش ( مش هتعرف تسمع كويس يعنى )



11- برولين:

مهم جدا للمفاصل و الاوتار و بيساعد فى شفاء الجروح بسرعة ايضا
و تقوية عضلات القلب



12- الانين:

مصدر مهم جدا للطاقة و برده زى اخواته بيحسن من جهاز المناعة
و بيساعد فى حرق السكر و الاحماض العضوية


------------

طب ايه هو بقى ال BCAA ? Branched Chain Amino Acids ?

دول يا سيدى اهم كمان من الاحماض العادية

ليه بقى ؟

لانهم بيتحرقوا فى العضلات نفسها مش فى الكبد

اللى بيحصل انه بعد ما البروتين بيتهضم و بيتقسم لاحماض صغيرة
الاحماض ديه ممكن تبنى بروتين جديد او تتحرق و تبقى مصدر للطاقة

و ال 3 احماض ال بى سى ايه ايه هما

ال ليوسين و ال ايسو ليوسين و ال فالين

و كمان الدراسات الحديثة بتقول انهم بيقللوا من عملية هدم العضلات و بساعدوا فى بناء العضلات و بيعدوا من المكملات الاساسية


----------------

طب الفيلم الهندى ده كله موجود فين فى الاكل ؟

احب اقولك انه موجود فى انواع كتير و كمان بصورة كافية يعنى متقلقش انت بتاكله و انت مش واخد بالك اصلا

و امثلة على كدة فى:

جميع انواع الاكل من مصادر حيوانية زى البيض و الفراخ و اللحمة و السمك و منتجات الالبان

و كمان فى بعض الخضار زى الفول و البسلة و الصويا
و الارز ....... الخ

يعنى تقريبا معظم انواع الاكل اليومى بتاعك بيبقى فيه اغلبية الاحماض الامينية


----------------------

كدة يبقى عرفنا اهمية الاحماض الامينية و انها مش بس مفيدة للاعبى كمال الاجسام بل للناس كلها و ليها علاقة بعمليات الجسم بنسبة كبيرة مش بس للعضلات

طيب ايه احسن منتجات الامينو حاليا للى عاوز يجيب ؟

شخصيا برشح امينو 2222 من اوبتيموم
فيه تجار معتدمين فى المنتدى .. نقى اللى يريحك و اشترى منه

طب ايه حوار بينشف و بيعطيك جوانح ده ؟

والله يا سيدى اديك شفت فوائد كل حمض لوحده .. اجمع كل دول فى علبة واحدة و انت تعرف الفوائد كلها

بس احنا دائما بنقول بلاش امينو لانه ضعيف
بمعنى .. الحباية فيها 2 جرام بروتين .. يعنى هتدفع فلوس كتير على حاجة ممكن تجيبها من الاكل

برة الامينو ده برخص التراب يعنى مش هيأثر فى حاجة لو اشتريته

انت ممكن تبقى ناصح و تجيب ال bcaa لانه اساسى و باقى الاحماض الامينية هتلاقيها فى الاكل يا اما فى معظم منتجات زيادة الوزن او البروتين باودرز لو بتستعملهم

و بيديك باور لانه فيه ال 3 احماض المكونة للكرياتين ( بس طبعا بصورة اقل ) يعنى لو جبت كرياتين بيور يبقى افضل

و موضوع بينشف ده علشان هو بروتين صافى من غير سعرات حرارية اصلا .. يعنى 100 % مفيش دهون
و هو مش معمول علشان ينشف جسمك بدون تغذية سليمة من غير دهون .. انت بس بتحس بكدة لما تلاقى ضخ الدم زاد فى العضلة و عروقك بانت و ده وظيفة بعض الاحماض فيه زى ما قلت انها تديلك طاقة بالتالى الضخ هيزيد
elfadaly غير متواجد حالياً   رد مع اقتباس
قديم 08-04-2010, 05:13 AM   #2

تحت الاختبار

العضوٌﯦھہ » 178740
 التسِجيلٌ » May 2010
مشَارَڪاتْي » 2
آلتَقييمُ » 10
تَلقْيتُ إعجآب » 0
أرسَلتُ إعجآب » 0
افتراضي

بوب فيرس شكرا على المعلوماتالجديده واتنمى المزيد
Vampire02 غير متواجد حالياً   رد مع اقتباس
قديم 08-04-2010, 05:29 AM   #3

تحت الاختبار

العضوٌﯦھہ » 178740
 التسِجيلٌ » May 2010
مشَارَڪاتْي » 2
آلتَقييمُ » 10
تَلقْيتُ إعجآب » 0
أرسَلتُ إعجآب » 0
افتراضي

Vampire02 غير متواجد حالياً   رد مع اقتباس
قديم 08-06-2010, 05:39 PM   #4

Active Members

العضوٌﯦھہ » 53499
 التسِجيلٌ » Mar 2008
مشَارَڪاتْي » 215
آلتَقييمُ » 10
تَلقْيتُ إعجآب » 0
أرسَلتُ إعجآب » 0
افتراضي

مرسى يا معلم وباذن الله هتلاقى مواضيع قريب بس فى صورة مش باين دة انت طالب فيها حاجة او كدة؟؟؟؟؟
elfadaly غير متواجد حالياً   رد مع اقتباس
قديم 11-12-2010, 03:14 AM   #5

تحت الاختبار

العضوٌﯦھہ » 195181
 التسِجيلٌ » Nov 2010
مشَارَڪاتْي » 9
آلتَقييمُ » 10
تَلقْيتُ إعجآب » 0
أرسَلتُ إعجآب » 0
افتراضي

الكبير كبير وانت الكبير بس كان لى سوال معلش هضيقك انا كان عندى امينو يعنى 12 واحدة بس هما بقالهم كتير حوالى 12 شهر فهل لو خدتهم دلوقتى فيها ضرر على جسمى
dream_star غير متواجد حالياً   رد مع اقتباس
قديم 10-30-2012, 04:53 PM   #6

Star

العضوٌﯦھہ » 221021
 التسِجيلٌ » Oct 2012
مشَارَڪاتْي » 1,147
آلتَقييمُ » 10
تَلقْيتُ إعجآب » 0
أرسَلتُ إعجآب » 0
افتراضي

الف مليون شكررررررر عزيزى على المعلومات
the-magic غير متواجد حالياً   رد مع اقتباس
إضافة رد

الكلمات الدلالية (Tags)
2222, ليهç, المنتجات, الامينية, الامينو, الاحماض, اسطورة, افضل, فوائدها

أدوات الموضوع
انواع عرض الموضوع تقييم هذا الموضوع
تقييم هذا الموضوع:

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are معطلة



الساعة الآن 04:45 AM


Powered by arablionz® Copyright ©2000 - 2016, عرب ليونز Enterprises Ltd. TranZ By Almuhajir
Disclaimer: This site does not store any files on its server. All contents are provided by non-affiliated third parties.

Search Engine Friendly URLs by vBSEO 3.6.0